ᱡᱚᱨᱚᱜ ᱢᱮᱫ ᱫᱟᱜ ᱟᱹᱫᱤᱢ ᱡᱚᱦᱟ ᱨᱮ
ᱞᱤᱸᱜᱤᱜ ᱞᱮᱛᱟᱲ ᱦᱤᱰᱤᱨ ᱦᱤᱰᱤᱨ
ᱟᱹᱫᱤᱢ ᱡᱤᱣᱤ ᱚᱱᱛᱚᱨ ᱛᱟᱞᱟ ᱨᱮ
ᱦᱚᱠ ᱥᱮᱸᱜᱮᱞ ᱦᱩᱨᱩᱢ ᱰᱤᱜᱤᱨ
ᱵᱤᱨ ᱵᱩᱨᱩ ᱠᱷᱚᱱ ᱚᱛ ᱦᱟᱥᱟ
ᱫᱟᱜ ᱫᱟᱨᱦᱟ ᱠᱷᱚᱱ ᱜᱚᱴᱟ ᱱᱟᱥᱟ
ᱟᱹᱛᱩ ᱚᱲᱟᱜ ᱠᱷᱚᱱ ᱴᱚᱞᱟ ᱯᱟᱲᱟ
ᱵᱷᱟᱹᱞᱟᱹᱭ ᱦᱩᱭᱩᱜᱼᱟ ᱟᱢᱮᱢ ᱟᱥᱟᱜ
ᱛᱮᱦᱮᱧ ᱫᱚ ᱵᱟᱝ ᱜᱟᱯᱟ ᱢᱮᱭᱟᱝ
ᱫᱤᱱᱟᱹᱢ ᱜᱮ ᱫᱤᱱ ᱱᱮᱸᱰᱟ ᱢᱟᱦᱟᱸ
ᱟᱢ ᱢᱟ ᱟᱹᱫᱤᱢ ᱱᱟᱦᱟᱜ
ᱱᱤᱛ ᱦᱚᱸ ᱡᱟᱦᱟᱸᱛᱟᱦᱟᱸ
ᱡᱚᱨᱚᱜ ᱢᱮᱫ ᱫᱟᱜ ᱟᱹᱫᱤᱢ ᱡᱚᱦᱟ ᱨᱮ
ᱞᱤᱸᱜᱤᱱ ᱞᱮᱛᱟᱲ ᱦᱟᱭ ᱨᱮ ᱦᱤᱰᱤᱨ ᱦᱤᱰᱤᱨ
ᱟᱹᱫᱤᱢ ᱡᱤᱣᱤ ᱚᱱᱛᱚᱨ ᱛᱟᱞᱟ ᱨᱮ
ᱦᱚᱠ ᱨᱮᱸᱜᱮᱡ ᱥᱮᱸᱜᱮᱞ ᱦᱩᱨᱩᱢ ᱰᱤᱜᱤᱨ
🎼ᱨᱩ ᱨᱟᱦᱟ🎼
ᱯᱟᱨᱜᱟᱱᱟ ᱫᱟᱲᱮ ᱠᱚ ᱯᱚᱴᱟᱣ ᱠᱮᱫ
ᱢᱟᱹᱡᱷᱤ ᱡᱩᱢᱤᱫ ᱠᱚ ᱢᱟᱰᱟ ᱠᱮᱫ
ᱨᱟᱡᱟᱹᱨᱤ ᱥᱩᱭᱟᱹ ᱥᱤᱭᱟᱹᱡᱟᱹᱨᱤ
ᱥᱤᱸᱰᱟᱹᱝ ᱟᱹᱨᱤ ᱠᱚ ᱥᱚᱜᱮ ᱠᱮᱫ
ᱟᱹᱫᱤᱢ ᱠᱚᱣᱟᱜ ᱨᱚᱲ ᱨᱟᱜ ᱞᱟᱸᱫᱟ
ᱨᱟᱡᱽ ᱨᱚᱝ ᱛᱮ ᱢᱚᱱᱮ ᱪᱟᱸᱫᱟᱜ
ᱥᱩᱠ ᱜᱮ ᱵᱟᱹᱱᱩᱜ ᱠᱷᱟᱹᱞᱤ ᱫᱩᱠ
ᱟᱹᱫᱤᱢ ᱢᱚᱱᱮ ᱟᱸᱫᱽᱢᱟᱫᱟᱜ
ᱢᱚᱱᱮ ᱢᱚᱠᱚᱧᱚᱜ ᱡᱤᱣᱤ ᱡᱚᱞᱚᱱᱚᱜ
ᱟᱥᱟ ᱥᱚᱨᱟ ᱵᱟᱹᱛᱤ ᱧᱩᱬᱩ ᱧᱩᱬᱩ
ᱦᱚᱠ ᱠᱚᱭ ᱦᱟᱛᱟᱣ ᱠᱟᱹᱭ ᱵᱮᱱᱟᱶᱮᱱ
ᱠᱩᱥᱤ ᱱᱟᱯᱚᱲᱚᱜ ᱢᱮ ᱧᱟᱢᱚᱜ ᱪᱟᱯᱚ ᱡᱩᱲᱩ
🎼ᱨᱩ ᱨᱟᱦᱟ🎼
ᱢᱮᱛᱟᱢ ᱠᱟᱱᱟ ᱠᱚ ᱵᱚᱱᱚᱵᱟᱥᱤ
ᱵᱟᱝ ᱠᱟᱱᱟᱢ ᱪᱮᱫᱟᱜ ᱟᱹᱫᱤᱵᱟᱹᱥᱤ
ᱵᱟᱝ ᱠᱟᱱᱟᱢ ᱥᱤᱧ ᱚᱛ ᱫᱤᱥᱚᱢ ᱨᱤᱱ
ᱟᱢᱜᱮ ᱟᱹᱫᱤᱢ ᱜᱤᱨᱟᱹ ᱵᱟᱹᱥᱤ
ᱚᱛ ᱦᱟᱥᱟ ᱠᱚ ᱨᱮᱡᱮᱫ ᱢᱮ
ᱱᱟᱜᱟᱢ ᱠᱷᱚᱱ ᱠᱚ ᱤᱬᱤᱡᱮᱫ ᱢᱮ
ᱵᱷᱤᱴᱟᱹ ᱵᱟᱹᱠᱷᱩᱞ ᱞᱟᱺᱫᱩᱲᱮᱱ
ᱟᱹᱫᱤᱢ ᱟᱢᱟᱜ ᱪᱮᱫ ᱥᱟᱨᱮᱡᱼᱮᱱ
ᱦᱩᱞ ᱢᱟᱦᱟᱸ ᱯᱟᱞᱟᱣ ᱢᱮ ᱠᱤᱨᱟᱹ ᱦᱚᱸ ᱦᱟᱛᱟᱣ ᱢᱮ
ᱵᱤᱨ ᱵᱟᱱᱴᱟ ᱠᱚᱣᱟᱜ ᱢᱟᱹᱱ ᱫᱚᱦᱚᱭ ᱢᱮ
ᱯᱷᱩᱨᱜᱟᱹᱞ ᱫᱤᱥᱚᱢ ᱨᱮ ᱯᱷᱩᱨᱜᱟᱹᱞ ᱵᱟᱹᱱᱩᱜ ᱢᱮ
ᱦᱩᱞ ᱥᱮᱸᱜᱮᱞ ᱫᱮ ᱡᱮᱨᱮᱫ ᱨᱩᱣᱟᱹᱲ ᱢᱮ
ᱯᱷᱩᱨᱜᱟᱹᱞ ᱫᱤᱥᱚᱢ ᱨᱮ ᱯᱷᱩᱨᱜᱟᱹᱞ ᱵᱟᱹᱱᱩᱜ ᱢᱮ
ᱦᱩᱞ ᱥᱮᱸᱜᱮᱞ ᱫᱮ ᱡᱮᱨᱮᱫ ᱨᱩᱣᱟᱹᱲ ᱢᱮ
ᱡᱮᱨᱮᱫ ᱨᱩᱣᱟᱹᱲ ᱢᱮ ᱹᱹᱹ
ᱨᱩᱣᱟᱹᱲ ᱢᱮ ᱹᱹᱹ ᱨᱩᱣᱟᱹᱲ ᱢᱮ ᱹᱹᱹ
ᱡᱮᱨᱮᱫ ᱨᱩᱣᱟᱹᱲ ᱢᱮ ᱹᱹᱹ
ᱡᱮᱨᱮᱫ ᱨᱩᱣᱟᱹᱲ ᱢᱮ ᱹᱹᱹ
ᱨᱩᱣᱟᱹᱲ ᱢᱮ ᱹᱹᱹ ᱨᱩᱣᱟᱹᱲ ᱢᱮ ᱹᱹᱹ
ᱯᱷᱩᱨᱜᱟᱹᱞ ᱫᱤᱥᱚᱢ ᱨᱮ ᱯᱷᱩᱨᱜᱟᱹᱞ ᱵᱟᱹᱱᱩᱜ ᱢᱮ
ᱦᱩᱞ ᱥᱮᱸᱜᱮᱞ ᱫᱮ ᱡᱮᱨᱮᱫ ᱨᱩᱣᱟᱹᱲ ᱢᱮ
ᱯᱷᱩᱨᱜᱟᱹᱞ ᱫᱤᱥᱚᱢ ᱨᱮ ᱯᱷᱩᱨᱜᱟᱹᱞ ᱵᱟᱹᱱᱩᱜ ᱢᱮ
ᱦᱩᱞ ᱥᱮᱸᱜᱮᱞ ᱫᱮ ᱡᱮᱨᱮᱫ ᱨᱩᱣᱟᱹᱲ ᱢᱮ
© All rights belong to the original creators. This lyrics is shared for educational and entertainment purposes only.
